خوشی کپور کیساتھ فلم کرنے کی خبریں بے بنیاد ہیں، جنید خان

جمعرات 21 مارچ 2024 12:10

لاہور (اُردو پوائنٹ اخبارتازہ ترین - این این آئی۔ 21 مارچ2024ء) پاکستانی اداکار جنید خان نے بھارتی اداکارہ خوشی کپور کیساتھ فلم کرنے کی خبروں کی تردید کر دی۔سوشل میڈیا پر ایک خبر وائرل تھی کہ خوشی کپور، ابراہیم علی خان اور جنید خان نئی فلم میں ایک ساتھ نظر آئیں گے۔

(جاری ہے)

اب جنید خان نے اس حوالے سے ردعمل دیتے ہوئے بتایا کہ خوشی کپور کے ساتھ ان کی فلم کرنے کی خبروں میں صداقت نہیں ہے۔انہوں نے سوشل میڈیا سٹوری میں لکھا کہ بھارتی میڈیا ان کے اور عامر خان کے بیٹے جنید خان کے درمیان کنفیوژہو گیا ہے جس کی وجہ سے غلط خبر پھیلی۔انسٹا سٹوری میں اداکار نے اس خواہش کا اظہار بھی کیا کہ دونوں ممالک کے درمیان فنکاروں کا اسی طرح اشتراک ہونا چاہیے جیسے پہلے ہوا کرتا تھا۔