ضلع کے شہری اور دیہی علاقوں میں "ستھرا پنجاب مہم" کے تحت صفائی آپریشن کامیابی سے جاری ہے، ڈپٹی کمشنر

رانا ثاقب سلیم جمعہ 22 مارچ 2024 16:49

بہاولنگر (اردو پوائنٹ اخبارتازہ ترین۔22 مارچ2024 ء) وزیر اعلی پنجاب مریم نواز شریف کے ویژن کے مطابق ڈی سی افس کے کمیٹی روم میں ڈپٹی کمشنر ذوالفقار احمد بھون کی زیر صدارت اجلاس منعقد ہوا جس میں ایڈیشنل ڈپٹی کمشنر ریونیو قیوم قدرت ایڈیشنل ڈپٹی کمشنر جنرل ظہور حسین متعلق محکموں کے افسران نے شرکت کی ڈپٹی کمشنر نے کہا کہا ضلع بہاولنگر کے شہری اور دیہی علاقوں میں "ستھرا پنجاب مہم" کے تحت صفائی آپریشن کامیابی سے جاری ہے۔

(جاری ہے)

ڈپٹی کمشنر ذوالفقار احمد بھون کا کہنا ہے کہ بلدیاتی اداروں کو ہدایات جاری کی گئی ہیں کہ صفائی ستھرائی کی صورت حال میں نمایاں بہتری لائی جائے ۔ کہیں بھی گندگی کے ڈھیر،کھلے یا بغیر کور کے سیوریج ہولز نظر نہ آئیں۔ان کا کہنا تھا کہ صاف ستھرا ماحول ہر شہری کا بنیادی حق ہے،جس کے لئے بلدیاتی اداروں کو بھرپور محنت کرنا ہوگی۔ وال چاکنگ اور تجاوزات کے خلاف بھی سخت کارروائی کی جارہی ہے۔ انہوں نے افسران کو ہدایت کی کہ وہ خود فیلڈ میں رہ کر صفائی مہم کی نگرانی کریں ۔ اس ضمن میں کسی قسم کی غفلت کو ہر گز برداشت نہیں کیا جائیگا