بھارتی ریاست چھتیس گڑھ میں فوجیوں نے دوافراد کو ہلاک کر دیا

منگل 26 مارچ 2024 11:49

رائے پور (اُردو پوائنٹ اخبارتازہ ترین - اے پی پی۔ 26 مارچ2024ء) بھارت کی شورش زدہ ریاست چھتیس گڑھ میں بھارتی فوجیوں نے ایک تلاشی کی کارروائی کے دوران دو افرادکو ہلاک کردیا ۔کشمیر میڈیا سروس کے مطابق فوجیوں نے دعویٰ کیا ہے کہ ہلاک ہونے والے ما ئونواز باغی تھے جوایک آپریشن کے دوران مارے گئے۔

(جاری ہے)

بھارتی فوج نے بتایاکہ چھتیس گڑھ کے دانتے واڑہ اوربیجاپور اضلاع کی سرحد پر مائونوازوں کی طرف سے نصب کردہ بارودی سرنگ کے دھماکے میں دو فوجیوں کے شدید زخمی ہونے کے بعد جوابی کارروائی میں دو مائو نواز باغی مارے گئے۔

دریں اثنا، چھتیس گڑھ کے ضلع بیجاپور میں تیز دھار والے ہتھیاروں سے لیس نامعلوم حملہ آوروں نے تین افراد کو ہلاک کر دیا۔ ایک پولیس افسرنے بتایا کہ یہ واقعہ باسا گوڈا پولیس سٹیشن کے تحت آنے والے علاقے میں ایک سڑک پر پیش آیا، تاہم واقعے کے پیچھے وجوہات کا پتہ ابھی تک نہیں چل سکا۔