iوفاقی کابینہ کے اجلاس کے وقت میں ایک بار پھر تبدیلی

آج ہونے والا اجلاس بھی موخر، وزیراعظم نے اجلاس جمعہ کو طلب کرلیا،ملکی امن وامان، معاشی صورتحال سمیت اہم امور پر غور اور فیصلے کئے جائینگے

جمعرات 28 مارچ 2024 21:05

Oاسلام آباد(اُردو پوائنٹ اخبارتازہ ترین - آن لائن۔ 28 مارچ2024ء) وفاقی کابینہ کے اجلاس کے وقت میں ایک بار پھر تبدیلی کردی گئی ، آج ہونے والا اجلاس بھی موخر، وزیراعظم نے اجلاس جمعہ کو طلب کرلیا،ملکی امن وامان، معاشی صورتحال سمیت اہم امور پر غور اور فیصلے کئے جائینگے ۔

(جاری ہے)

ذرائع کے مطابق آج وفاقی کابینہ کا ہونے والا اجلاس ایک بار پھر موخر کردیاگیا ہے اجلاس کے وقت میں ایک بار پھر تبدیلی کرتے ہوئے وزیراعظم شہباز شریف نے اب وفاقی کابینہ کا اجلاس جمعہ کو طلب کرلیا ہے ۔

وفاقی کابینہ کے اجلاس میں ملکی امن وامان سمیت معاشی صورتحال سمیت سیاسی صورتحال سمیت اہم امور پر غور اور فیصلے کئے جائینگے ۔ ذرائع نے بتایا کہ وزیراعظم آج نیول ہیڈکوارٹر کا بھی دورہ کرینگے اور وزیراعظم کی دو بجے چیف جسٹس آف پاکستان سے ملاقات بھی ہوگی ۔