کھائی بودلہ میں یتیم طالبہ کے ساتھ تشدد مبینہ زیادتی کا واقعہ

رانا ثاقب سلیم جمعرات 4 اپریل 2024 17:14

بہاولنگر( اُردو پوائنٹ اخبارتازہ ترین۔ 04 اپریل 2024ء ) کھائی بودلہ میں یتیم طالبہ کے ساتھ تشدد مبینہ زیادتی کا واقعہ۔

(جاری ہے)

12 سالہ یتیم سدرہ نامی طالبہ ٹیوشن سے گھر واپس جارہی تھی کہ راستے میں گھات لگائے عمرفاروق نامی مسلح اوباش ملزم نے طالبہ کو پکڑلیا جبکہ طالبہ نے مزاحمت کی کوشش کی تو ملزم نے تشدد کیا اور زبردستی مبینہ زیادتی کا نشانہ بناڈالا اور، حالت غیر ہونے پر ملزم لڑکی کو کھیت میں پھینک کر فرار ہوگیا ، متاثرہ زخمی طالبہ سدرہ کو ڈسٹرکٹ ہسپتال منتقل کردیا گیا ، تھانہ تخت محل پولیس نے متاثرہ طالبہ کی والدہ کی درخواست پر کاروائی شروع کر دی ، ترجمان پولیس کے مطابق تھانہ تخت محل کی حدود میں طالبہ پر مبینہ تشدد کا معاملہ ، ابتدائی معلومات کے مطابق فریقین نابالغان ہیں اور آپس میں رشتہ دار ہیں، ملزم اور طالبہ میں پینسل کے لین دین کے معاملہ پر جھگڑا ہوا، ملزم نے راستے میں پڑی ہوئی سوٹی اٹھا کر طالبہ کے سر میں ماری جس سے وہ زخمی ہو گئی, طالبہ کو علاج معالجے کیلیے ہسپتال بھجوا دیا گیا، قانون کے مطابق واقع کی کاروائی عمل میں لائی جا رہی ہے ، جنسی زیادتی کا کیس نہ ہے معمولی لڑائی جھگڑے کا معاملہ ہے ۔