گورنرسندھ سے وفاق ایوانہائے صنعت و تجارت کے وفد کی ملاقات

پیر 8 اپریل 2024 22:35

کراچی (اُردو پوائنٹ اخبارتازہ ترین - اے پی پی۔ 08 اپریل2024ء) گورنر سندھ کامران خان ٹیسوری سے وفاق ایوانہائے صنعت و تجارت پاکستان کے وفد نے ایس ایم تنویر کی قیادت میں ملاقات کی ۔ پیر کو جاری اعلامیہ کے مطابق گورنرہائوس میں ہونے والی ملاقات میں ملک کو درپیش معاشی مشکلات، صنعت کے مسائل، شہر قائد میں بجلی ، گیس کی تواتر سے فراہمی کے اقدامات اور باہمی دلچسپی کے دیگر امور پر تبادلہ خیال کیا گیا ۔

(جاری ہے)

گورنر سندھ نے کہا کہ صنعت کار ملک کی معیشت میں ریڑھ کی ہڈی کی حیثیت رکھتے ہیں۔ صنعت کاروں کے وفد نے گورنر سندھ کے آئی ٹی پروگرام کی تعریف کرتے ہوئے کہا کہ یہ پروگرام نوجوانوں کی قسمت بدل دے گا۔ وفد نے گورنر سندھ کامران خان ٹیسوری سے فیڈریشن کے دورے کی دعوت کی درخواست بھی کی۔ وفد کے دیگر اراکین میں خالد تواب، میاں زاہد حسین، ثاقب فیاض ، اسلام راجپوت، جام قائم علی او ڈاکٹر نعمان بٹ بھی شامل تھے۔