سنجے دت نے سیاسی میدان میں آنے کی تمام خبروں کو مسترد کردیا

اگر مستقبل میں سیاست میں قدم رکھنے کا فیصلہ کیا تومیں اس کا اعلان خود کروں گا،سنجے دت

منگل 9 اپریل 2024 10:25

ممبئی(اُردو پوائنٹ اخبارتازہ ترین - این این آئی۔ 09 اپریل2024ء) بالی وڈ انڈسٹری میں یہ خبریں گرم ہیں کہ ایکشن اسٹار سنجے دت سیاست کے میدان میں قدم رکھنے والے ہیں۔بھارتی میڈیا کی مختلف سائٹس کی طرف سے دعویٰ سامنے آیا ہے کہ سنجے دت لوک سبھا کا الیکشن لڑنے والے ہیں اور کانگریس انہیں بی جے پی کے مقابلے میں الیکشن لڑانے کا منصوبہ بنارہی ہے۔

(جاری ہے)

سماجی رابطے کی ویب سائٹ ایکس پر اپنی پوسٹ میں اداکار نے سیاسی میدان میں آنے کی تمام خبروں کو مسترد کردیا ہے۔

اداکار نے لکھا کہ وہ سیاست میں آنے کی تمام افواہوں کو مسترد کرتے ہیں، نہ وہ کسی پارٹی میں جارہے ہیں اور نہ وہ الیکشن لڑیں گے۔انہوں نے لکھا کہ مداح ایسی جھوٹی خبروں کو نظر انداز کردیں اور اگر مستقبل میں انہوں نے سیاست میں قدم رکھنے کا فیصلہ کیا تو وہ اس کا اعلان خود کریں گے۔