صوبہ بھر میں پاپولیشن ویلفیئرڈیپارٹمنٹ کی بہترین کاموں پر پہچان قائم ہو چکی ہی:ثمن رائے

ٴ محکمہ میں سخت مانیٹرنگ کے عمل سے کام نہ کرنے والوں سے بھی سخت با ز پرس کا عمل جاری رکھا ہوا ہے

منگل 9 اپریل 2024 22:27

لاہور (اُردو پوائنٹ اخبارتازہ ترین - آن لائن۔ 09 اپریل2024ء) ڈائریکٹر جنرل پاپولیشن وچیف ایگزیکٹیو پی پی آئی ایف ثمن رائے نے کہا ہے محکمہ بہبود آبادی پنجاب کواس کی اہمیت و افادیت کے پیش نظر عوام میںخاص اہمیت حاصل ہو گئی ہے۔لوگوں کی نظروں میں اس محکمہ کی کارکردگی صفر کے برابر تھی۔گزشتہ ڈیڑھ سال کے عرصہ میں اس محکمہ کو جس محنت اور لگن کے ساتھ عوام الناس میں روشناس کرایا گیا اس کی مثال کبھی مل نہ پائے گی۔

انتہائی محنت کے ساتھ صوبہ بھر کے پاپولیشن ویلفئیر ا فسران و اہلکاران اور صحت سے وابستہ خواتین و حضرات کو تربیت دی گئی اور انہیں مختلف ریفریشرکورسز کے ذریعے فعال کیا گیا۔ انہوں نے کہا کہ پاپولیشن ویلفئیر کے افسران و اہلکارن کے ترقی کے عمل کو ان کی کارکردگی سے مشروط کر دیا گیا ہے۔

(جاری ہے)

محکمہ میں سخت مانیٹرنگ کے عمل سے کام نہ کرنے والوں سے بھی سخت با ز پرس کا عمل جاری رکھا ہوا ہے۔

صوبہ بھر میں اب پاپولیشن ویلفئیرڈیپارٹمنٹ کا بہترین کاموں پر پہچان قائم ہو چکی ہے۔ انہوں نے کہا کہ حکومت پنجاب کی ڈینگی،پولیو،بچوں و خواتین و مرد حضرات کی کسی بھی آگاہی مہم میں پاپولیشن ویلفئیر افسران عوام کو شعور و آگاہی میں پیش پیش ہیں۔انہوں نے آنے والی عیدالفطر کے موقع پر دلی مبارک باد دیتے ہوئے اپنے پیغام میں کہا ہے کہ آ پ سب کو اللہ اپنی رحمتوں کے سائے میں رکھے اور یہ عید آپ سب کے لئے خوشیوں کا باعث بنے۔