محکمہ موسمیات نے کراچی میں 13 اور 14اپریل کو تیز بارش کی پیش گوئی کردی

کراچی (اُردو پوائنٹ اخبارتازہ ترین - این این آئی۔ 09 اپریل2024ء) محکمہ موسمیات نے کراچی میں 13 اور 14اپریل کو تیز بارش کی پیش گوئی کردی ، اس حوالے سے پی ڈی ایم اے نے الرٹ جاری کردیا ہے۔تفصیلات کے مطابق کراچی سمیت سندھ کے بیشترمقامات پرگرمی بڑھنے لگی،محکمہ موسمیات کا کہنا ہے کہ دس اپریل سے مغربی ہوائیں ملک کے بیشترمقامات پربارش کا باعث بنیں گی، جس سے آندھی اورگرج چمک کیساتھ بارش اورکہیں کہیں ژالہ باری بھی متوقع ہے۔

محکمہ موسمیات نے بتایا کہ سندھ میں بارشوں کا سلسلہ 10 سے 15 اپریل تک جاری رہے گا، کراچی میں 13 اور 14 اپریل کو تیز بارش کا امکان ہے۔اس حوالے سے پی ڈی ایم اے نے الرٹ جاری کردیا، جس میں ڈپٹی کمشنرزکواقدامات کی ہدایات جاری کی گئی ہے۔پی ڈی ایم اے کا کہنا ہے کہ کراچی،حیدرآباد،جامشورو،دادو،سکھر،جیکب آباد ، کشمور،لاڑکانہ،قمبر،شہدادکوٹ اورسانگھڑ میں بارش کاامکان ہے، 10 سے 15 اپریل تک آندھی اور گرج چمک کیساتھ بارش کی پیش گوئی ہے۔

(جاری ہے)

پی ڈی ایم اے نے الرٹ میں کہا ہے کہ متعلقہ حکام ضروری احتیاطی تدابیراختیارکریں، بارش کے دوران ڈی واٹرنگ مشینوں اورعملیکی دستیابی کویقینی بنائیں، ہنگامی خدمات کیساتھ کوآرڈینیشن کوبہتربنائیں۔الرٹ میں کہنا تھا کہ متاثرین کی ضروریات کوترجیحی بنیاد پرپوراکرنے کی لئے ہیلپ لائن سیل قائم کیاجائے اور اسپتالوں میں اسٹینڈبائی جنریٹرزکی دستیابی کویقینی بنایاجائے۔