شاہ محمود قریشی کو عید کی نماز ادا نہیں کرنے دی گئی، زین قریشی

عید کے موقع پر والد سے نہیں ملنے دیا گیا، سیکیورٹی بنیاد پر بنیادی حقوق سے محروم رکھا گیا، گفتگو

جمعہ 12 اپریل 2024 13:10

ملتان (اُردو پوائنٹ اخبارتازہ ترین - این این آئی۔ 12 اپریل2024ء) پاکستان تحریک انصاف کے رکن قومی اسمبلی اور شاہ محمود قریشی کے بیٹے زین قریشی نے کہا ہے کہ شاہ محمود قریشی کو عید کی نماز ادا نہیں کرنے دی گئی۔

(جاری ہے)

درگاہ بہاؤالدین زکریا میں نمازِ عید پر میڈیا سے گفتگو کرتے ہوئے زین قریشی نے کہا کہ عید کے موقع پر والد سے نہیں ملنے دیا گیا، سیکیورٹی بنیاد پر بنیادی حقوق سے محروم رکھا گیا۔

انہوں نے کہا کہ وزیرِ اعظم نے کہا تھا بیگناہ افراد کو رہا کیا جائے گا، وعدہ پورا ہونے کا انتظار ہے۔زین قریشی نے کہاکہ پاکستان کو معاشی چیلنج درپیش ہے اور دہشت گردی دوبارہ سر اٹھا رہی ہے، ہماری افواج کی قربانیاں رنگ لائیں گی۔پی ٹی آئی رہنما نے کہا کہ نیا بجٹ آنے کو ہے، حکومت آئی ایم ایف کے پاس جا رہی ہے، دعا ہے عوام کو ریلیف ملے۔