ں*متحدہ شعبہ خواتین کی رکن رہزنی کی واردات کے دوران شدید زخمی، مرکزی کمیٹی کی مذمت

اتوار 14 اپریل 2024 19:10

) کراچی(آن لائن) متحدہ قومی موومنٹ (ایم کیو ایم) پاکستان کی مرکزی ایڈہاک کمیٹی نے ایم کیو ایم شعبہ خواتین کی رکن سے پرس چھیننے کی مذمت کی ہے۔ ایم کیو ایم ترجمان کے مطابق شاہینہ سہیل کے ساتھ آج ناظم آباد میں رہزنی کا بیرحمانہ واقعہ پیش آیا۔ایم کیو ایم مرکزی کمیٹی نے کہا کہ فوٹیج میں واضح ہے کہ کس طرح ڈاکو بیدردی سے چلتی بائیک سے خاتون سے پرس چھینتے ہوئے فرار ہوا۔

(جاری ہے)

مرکزی کمیٹی نے کہا کہ شاہینہ سہیل پرس چھینے جانے کے بعد اپنا توازن برقرار نہ رکھ سکیں اور بری طرح گر پڑیں، گرنے کی وجہ سے ان کے سر پر شدید چوٹیں آئیں اور تشویشناک حالت میں اسپتال منتقل کیا گیا۔ ایم کیو ایم مرکزی کمیٹی نے کہا کہ چند ماہ قبل لیاقت آباد میں شعبہ خواتیں کی رکن رخشندہ بھی پرس چھیننے کے واقعے میں شہید ہوچکی ہیں۔ کمیٹی کے مطابق کراچی میں جرائم پیشہ ڈکیت سرعام دیدہ دلیری سے ڈکیتیاں کر رہے ہیں اور بزرگ خواتین تک ان سے محفوظ نہیں۔ایم کیو ایم مرکزی کمیٹی نے کہا صوبائی حکومت، پولیس و انتظامیہ شہریوں کو تحفظ دینے میں مکمل ناکام ہوچکے ہیں۔ کراچی کے شہری اپنی جان و مال کے تحفظ کیلیے ریاست پاکستان کی جانب سے ایکشن کے منتظر ہیں۔