امریکا کا ایران کے خلاف اضافی پابندیاں عائد کر نے کا اعلان

بدھ 17 اپریل 2024 09:50

واشنگٹن (اُردو پوائنٹ اخبارتازہ ترین - اے پی پی۔ 17 اپریل2024ء) امریکی قومی سلامتی کے مشیر جیک سلیوان نے اعلان کیا کہ امریکا ایران کے خلاف اضافی پابندیاں عائد کرے گا۔

(جاری ہے)

تا س کے مطابق بیان میں مزید کہا گیا ہے کہ آنے والے دنوں میں، امریکا ایران پر نئی پابندیاں عائد کرے گا، جس میں اس کے میزائل اور ڈرون پروگرام کے ساتھ ساتھ اسلامی انقلابی گارڈ کور (آئی آر سی جی) اور ایران کی وزارت دفاع کی حمایت کرنے والے اداروں کے خلاف نئی پابندیاں بھی شامل ہیں۔

بیان کے مطابق امریکی صدر جو بائیڈن ، امریکا کے اتحادیوں اور شراکت داروں اور امریکی کانگریس کے دونوں ایوانوں کے رہنماؤں کے ساتھ مل کر اسرائیل پر ایرانی حملے کا جامع ردعمل تیار کر رہے ہیں۔جیک سلیوان نے مزید کہا کہ امریکا توقع کر تا ہے کہ اتحادی اور شراکت دار جلد ہی ایران کے خلاف اضافی پابندیوں پربھی عملدرآمد کریں گے۔