لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی

سابق وفاقی وزیر کی درخواست پر عدالت کا تحریری فیصلہ جاری ‘ دو صفحات پر مشتمل تحریری فیصلہ جسٹس عالیہ نیلم کی سربراہی میں دو رکنی بنچ نے جاری کیا

میاں محمد ندیم جمعرات 18 اپریل 2024 23:04

لاہور ہائی کورٹ نے فواد چوہدری کو 36 کیسز میں عبوری ضمانت کی درخواست ..

لاہور(اردوپوائنٹ اخبارتازہ ترین-انٹرنیشنل پریس ایجنسی۔18 اپریل۔2024 ) لاہور ہائی کورٹ نے پاکستان تحریک انصاف کے رہنما فواد چوہدری کی 36 کیسز میں متعلقہ عدالتوں میں عبوری ضمانت کی درخواست دائر کرنے کے لیے انہیں 7 دن کی مہلت دے دی. لاہور ہائی کورٹ نے سابق وفاقی وزیر فواد چوہدری کی درخواست پرعدالت نے تحریری فیصلہ جاری کردیا ہے جسٹس عالیہ نیلم کی سربراہی میں دو رکنی بنچ نے دو صفحات پر مشتمل تحریری فیصلہ جاری کیا جس کے مطابق فواد چوہدری کا سات دنوں کا وقت آج سے شروع ہوگا.

فواد چوہدری ویڈیو لنک کے ذریعے عدالتوں میں پیش ہوں گے اور چھتیس کیسز میں ضمانت کی درخواستیں دائر کریں گے سابق وفاقی وزیر سیشن کورٹ لاہور کے ویڈیو لنک کے ذریعے حاضری لگوائیں گے.

(جاری ہے)

عدالت نے ہدایت کی کہ رجسٹرار آفس مناسب احکامات کے لیے درخواست چیف جسٹس کے روبرو پیش کرے یاد رہے کہ اس سے قبل 15 اپریل کو انسداد دہشت گردی لاہور کی عدالت نے فواد چوہدری کی 9 مئی کے 4 مقدمات میں 20 اپریل تک عبوری ضمانت منظور کرلی تھی اس سے پہلے 5 اپریل کو جہلم پنڈ دادن خان پروجیکٹ میں خوردب±رد کے کیس میں اڈیالہ جیل سے رہا کردیا گیا تھا.