ظ*بلوچستان کے سرحدی شہر چمن میں ایران سے آنے والے سیلابی ریلے نے تباہی مچادی

جمعہ 19 اپریل 2024 22:25

کوئٹہ (اُردو پوائنٹ اخبارتازہ ترین - آن لائن۔ 19 اپریل2024ء) بلوچستان کے سرحدی شہر چمن میں ایران سے آنے والے سیلابی ریلے نے تباہی مچادی۔چمن کے گلی محلوں میں سیلابی پانی سے تباہی پھیل گئی اور کچے مکانات کو نقصان پہنچا۔پاکستان کے امیگریشن دفاتر بھی زیر آب آگئے اور مواصلاتی نظام بُری طرح متاثر ہوگیا۔

(جاری ہے)

اس کے علاوہ مستونگ اورگردونواح میں وقفے وقفے سے بارش جاری ہے جس سے ندی نالوں میں طغیانی آگئی اور پانی گھروں میں داخل ہوگیا۔بیشتر دیہات کا زمینی رابطہ منقطع ہوگیا جبکہ متاثرہ علاقوں میں پاک فوج اور ریسکیو جوان امدادی کارروائیوں میں مصروف ہیں۔گوادر میں تین روز بعد بھی گھروں اور تعلیمی ادروں سے پانی نہیں نکالا جاسکا۔