ویرات کوہلی کا آؤٹ ہونے پر غصے کا اظہار: زمین اور کوڑے دان کو بلاّ دے مارا، ویڈیو وائرل

منگل 23 اپریل 2024 19:23

اسلام آباد (اُردو پوائنٹ اخبارتازہ ترین - این این آئی۔ 23 اپریل2024ء) بھارتی معروف کرکٹر، سابق کپتان ویرات کوہلی نے اپنے ہونے پر غصہ زمین اور کوڑے دان پر نکال دیا جس کی ویڈیو وائرل ہو گئی ہے۔آئی پی ایل کے میدان سے ویرات کوہلی کی آؤٹ ہونے پر ایمپائر سے لڑائی کے بعد ایک اور ویڈیو سوشل میڈیا پر وائرل ہوگئی۔

(جاری ہے)

آئی پی ایل کی ٹیم کے کے آر کے کھلاڑی ویرات کوہلی کو گزشتہ دنوں آر بی سی کے خلاف میچ کے دوران ایمپائر نے آؤٹ قرار دیا، یہ بات ویرات کو ذرا نہیں بھائی اور انہوں نے ایمپائر کے ساتھ لڑائی شروع کر دی۔

بعد ازاں ویرات کوہلی کو اس تنازع پر ہرجانے کا بھی سامنا کرنا پڑا۔اس میچ سے ایک اور ویڈیو وائرل ہے جس میں ویرات کو میدان میں ایمپائر سے لڑائی کے بعد پویلین لوٹتے ہوئے دیکھا جا سکتا ہے۔اس ویڈیو میں ویرات کوہلی کو بلاّ پہلے زمین پر اور پھر کوڑے دان کو مارتے ہوئے دیکھا جا سکتا ہے۔ویڈیو کے مطابق ویرات کوہلی نے ناصرف کوڑے دان کو بلاّ مارا ہے بلکہ کوڑے دان کو گرا بھی دیا۔