سابق بھارتی کرکٹر کی تصویر کراچی میں بل بورڈز پرآویزاں

ہفتہ 27 اپریل 2024 23:27

کراچی(اُردو پوائنٹ اخبارتازہ ترین - آن لائن۔ 27 اپریل2024ء) سابق بھارتی کرکٹر روبن اتھاپا کی تصویر کراچی میں مختلف بل بورڈز پر نظر آرہی ہے۔بل بورڈ پر لگی اشتہاری تصویر میں روبن اتھاپا کو دیکھا جاسکتا ہے جہاں وہ اشتہار میں کرکٹ ایپ کی مشہوری کررہے ہیں۔

(جاری ہے)

کراچی کی مقبول ترین سڑکوں پر لگے مختلف بل بورڈز پر بھارتی کرکٹر کے ساتھ 2 خواتین کی تصویریں بھی چسپاں ہیں۔شہر کے مختلف پیڈسٹل برج پر موبائل آن لائن کرکٹ ایپ اور گیمنگ کی تشہیر کی جارہی ہے۔بینر پر 4 ٹیموں کی بھی تصویر موجود ہے جس کا پاکستان فرنچائزز سے کوئی تعلق نہیں، تصویر میں موجود ٹیمیں ویسٹ انڈیز کے ناموں کی فرنچائز ہیں۔یاد رہے کہ اس طرح کی ایپ کرکٹ میں جوئے کیلئے استعمال ہوتی ہیں جن پر پاکستان میں پابندی ہے۔#

Facebook Twitter Google + Share on Whatsapp

سابق بھارتی کرکٹر کی تصویر کراچی میں بل بورڈز پرآویزاں

متعلقہ عنوان :

مزید قومی خبریں