آئندہ چوبیس گھنٹوں کے دوران لاہور سمیت پنجاب کے بالائی اور جنوبی علاقوں میں مطلع ابر آلود رہے گا، محکمہ موسمیات

جمعہ 3 مئی 2024 23:27

لاہور (اُردو پوائنٹ اخبارتازہ ترین - اے پی پی۔ 03 مئی2024ء) محکمہ موسمیات کی پیش گوئی کے مطابق آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بالائی اور جنوبی علاقوں میں مطلع ابر آلود رہنے کے علاوہ آندھی/جھکڑ چلنے اور گرج چمک کے ساتھ چند مقامات پر ہلکی بارش کا امکان ہے تاہم پنجاب کے اکثر اضلاع میں موسم خشک اور گرم رہے گا۔

(جاری ہے)

ترجمان محکمہ موسمیات کے مطابق گزشتہ چوبیس گھنٹوں کے دوران اکثر شہروں میں موسم خشک اورمطلع جزوی طور پر ابر آلود جبکہ جنوبی علاقوں میں گرم رہا۔ لاہور میں کم سے کم درجہ حرارت 24جبکہ زیادہ سے زیادہ 37سینٹی گریڈ ریکارڈ کیا گیا، ہوا میں نمی کا تناسب 20فی صد رہا۔ لاہور میں آلودگی کی مجموعی شرح 84فیصد ریکارڈ ہوئی،اسی طرح شہر کے دیگر علاقوں ذکی فارمز 146، یو ایس قونصلیٹ 134، فیز 8ڈی ایچ اے 144، سی ای آر پی آفس102، فیز 8 ایوی گر ین144، سید مراتب علی روڈ 84،ریوی نیو سوسائٹی88،بریڈ اینڈ بائونڈ لاہور 84 اورپاکستان انجینئرنگ سروسز میں 99ائیر کوالٹی انڈیکس ریکارڈ کیا گیا۔