لاہور سمیت پنجاب میں موسم گرم و خشک،میدانی علاقوں میں دن کے درجہ حرارت میں بتدریج اضافے کا امکان ہے،محکمہ موسمیات

پیر 6 مئی 2024 16:54

لاہور (اُردو پوائنٹ اخبارتازہ ترین - اے پی پی۔ 06 مئی2024ء) محکمہ موسمیات نے پیش گوئی کی ہے کہ آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بیشتر شہر وں میں موسم گرم اور خشک رہے گا جبکہ دن کے درجہ حرارت میں بتدریج اضافے کا امکان ہے۔ ترجمان محکمہ موسمیات کے مطابق گزشتہ چوبیس گھنٹوں کے دوران پنجاب کے اکثر اضلاع میں موسم خشک اور گرم رہا۔

(جاری ہے)

لاہور میں کم سے کم درجہ حرارت 26 جبکہ زیادہ سے زیادہ 39 سینٹی گریڈ ریکارڈ کیا گیا،ہوا میں نمی کا تناسب21 فی صد رہا،لا ہور میں آلودگی کی مجموعی شرح 80 فیصد رہی،اسی طرح شہر کے دیگر علاقوں یو ایس قونصلیٹ137،سی ای آر پی آفس76،فیز 8 ایوی گر ین 99،سید مراتب علی روڈ80 ،پاکستان انجینئرنگ سروسز 80،ڈان بریڈ لاہور 80،ذکی فارمز 99 اور فیز8 ڈی ایچ اے میں 156 ائیر کوالٹی انڈیکس ریکارڈ کیا گیا۔