کراچی میں گرمی بڑھ گئی، درجہ حرارت 38 ڈگری تک جانے کا امکان

بدھ 8 مئی 2024 14:36

کراچی (اُردو پوائنٹ اخبارتازہ ترین - این این آئی۔ 08 مئی2024ء) صوبہ سندھ کے شہر کراچی میں شدید گرمی کی لہر جاری ہے، شہر قائد میں درجہ حرارت 38 ڈگری تک جانے کا امکان ہے جبکہ گرمی کی شدت 42 ڈگری تک محسوس کی جائے گی۔

(جاری ہے)

محکمہ موسمیات نے بتایا کہ شہر قائد میں سورج اپنی پوری آب و تاب پر ہے، مرطوب موسم کے باعث گرمی کی شدت بڑھ گئی ہے۔انہوں نے بتایا کہ کراچی کا موجودہ درجہ حرارت 29 ڈگری سینٹی گریڈ ہے، ہوا میں نمی کا تناسب 77فیصد ہے۔محکمہ موسمیات کے مطابق شہر بھر میں مغربی سمت سے 7 کلو میٹر فی گھنٹہ کی رفتار سے ہوائیں چل رہی ہیں، آئندہ 24 گھنٹوں کے دوران موسم گرم اور انتہائی مرطوب رہے گا۔