جہانگیر خان ترین کی جانب سے 30 بچیوں کی شادی کے لئے جہیز کا سامان تقسیم

100 سلائی مشینیں تقسیم ، مستحق افراد کی مدد کرنا صدقہ جاریہ ہے، ڈاکٹر عبدالصبور

عرفان فیروز اعوان جمعرات 9 مئی 2024 17:38

لودھراں(اردو پوائنٹ اخبارتازہ ترین۔09 مئی 2024 ء) جہانگیر خان ترین کے خصوصی تعاون سے سماجی تنظیم لودھراں پائلٹ پراجیکٹ( ایل پی پی) کی جانب سے مستحق بچیوں کو جہیز کا سامان دینے اور مستحق خاندانوں میں سلائی مشینیں تقسیم کرنے کی تقریب منعقد ہوئی۔ جہانگیر خان ترین کی جانب سے 30 بچیوں کی شادی کے لئے جہیز کا سامان جبکہ 100 مستحق خاندانوں میں سلائی مشینیں عطیہ کی گئیں۔

(جاری ہے)

تقریب سے خطاب کرتے ہوئے ایل پی پی کے سی ای او ڈاکٹر عبدالصبور نے کہا کہ مستحق افراد کی مدد کرنا صدقہ جاریہ ہے۔ ہمارا مقصد ہے کہ خواتین کو معاشی طور پر مظبوط اور بااختیار بنایا جائے۔ جہانگیر خان ترین کے پرسنل سٹاف آفیسر عبدالخالق کانجو نے تقریب سے خطاب کرتے ہوئے کہا کہ جہانگیر خان ترین گزشتہ 25 سال سے لودھراں کے عوام کی خدمت کررہے ہیں ۔ مستحق بچیوں کو جہیز کی فراہمی اور سلائی مشینوں کی فراہمی جہانگیر خان ترین کے عوامی خدمت کے ویثرن کا عکاس ہے۔ انشاء اللہ عوامی خدمت کا سلسہ جارہے گا۔ تقریب میں سیاسی و سماجی شخصیات کائنات رضا، ثریا سیال و دیگر نے بھی شرکت کی۔