Live Updates

چین، سیلاب کے باعث کوئلے کی کان میں پھنسے 3 افراد ہلاک

پانچ افرادکو بچالیاگیا،فوری طور پر طبی امداد دی گئی ،اب ان کی حالت بہترہے،حکام

بدھ 5 جون 2024 16:42

بیجنگ (اُردو پوائنٹ اخبارتازہ ترین - این این آئی۔ 05 جون2024ء) چین میں سیلاب کے باعث کوئلے کی کان میں پھنسے 3 افراد ہلاک ہوگئے ، تاہم 5 کو زندہ بچالیا گیا۔

(جاری ہے)

غیرملکی خبررساں ادارے کے مطابق چین کے صوبہ شان ڈونگ میں کوئلے کی ایک کان میں سیلاب میں 8 افراد پھنسے ہوئے تھے جن کو ریسکیو آپریشن کے ذریعے نکالا گیا ،ان میں سے 3 افراد ہلاک ہوگئے ،تاہم 5 زندہ افراد کو نکال لیا گیا۔ زندہ بچ جانے والے افراد کو فوری طور پر طبی امداد دی گئی ،اب ان کی حالت بہترہے۔