پاکستانی آموں کی مختلف اقسام متحدہ عرب امارات پہنچ گئیں

آئندہ آنے والے دنوں کے دوران مزید آموں کی اقسام بھی پہنچیں گی

جمعہ 21 جون 2024 18:18

اسلام آباد (اُردو پوائنٹ اخبارتازہ ترین - این این آئی۔ 21 جون2024ء) پاکستانی آموں کی مختلف اقسام متحدہ عرب امارات پہنچ گئیں۔غیرملکی میڈیا کے مطابق پاکستان، بھارت اور یمن سمیت کئی ممالک سے آم کی کئی اقسام متحدہ عرب امارات پہنچ گئی ہیں ،آئندہ آنے والے دنوں کے دوران مزید آموں کی اقسام بھی پہنچیں گی۔

(جاری ہے)

متحدہ عرب امارات میں آم کی کم سے کم قیمت 4 درہم فی کلو سے شروع ہورہی ہے جبکہ اس سے اوپر اور انتہائی مہنگے غیر ملکی آم بھی مارکیٹوں میں موجود ہیں۔

میڈیا رپورٹ کے مطابق یو اے ای میں اس مرتبہ بھی پاکستانی آموں کی مانگ میں اضافہ دیکھا جارہا ہے اور ان کی قیمت کم ہونے کی وجہ سے بھی انہیں بڑی تعداد میں خریدا جارہا ہے۔متحدہ عرب امارات میں پھلوں کے بادشاہ کے حوالے سے فیسٹیولز کا بھی آغاز ہو گیا ہیجہاں شرکا کے لیے آم سے بنی مختلف چیزیں رکھی جائیں گی اور شرکا کو مختلف ڈشز بنانے کے طریقے بھی سکھائے جائیں گے۔