لاہور میں مزید بارشوں کی پیشگوئی، واسا لاہور کو الرٹ رہنے کی ہدایت جاری

بدھ 10 جولائی 2024 17:34

لاہور (اُردو پوائنٹ اخبارتازہ ترین - اے پی پی۔ 10 جولائی2024ء) صوبائی دارالحکومت لاہور میں بدھ کی صبح مختلف علاقوں میں ہونے والی بارش کے بعد واسا لاہور کو الرٹ رہنے کی ہدایت کر دی گئی۔ ترجمان کے مطابق منیجنگ ڈائریکٹر واسا غفران احمد نے گزشتہ روز شہر بھر میں تیز بارش اور محکمہ موسمیات کی جانب سے مزید بارشوں کی پیشگوئی کے پیش نظر واسا لاہور کو الرٹ رہنے کی ہدایات جاری کر دیں۔

(جاری ہے)

ایم ڈی واسا نے ہدایات جاری کرتے ہوئے کہا کہ تمام سٹاف و مشینری مکمل الرٹ رہیں اور تمام ڈسپوزل اسٹیشنز کی سکرینوں کو مکمل صاف رکھا جائے،ٹریفک رواں دواں رکھنے کے لیے انڈر پاس پمپس کو مکمل آپریشنل رکھا جائے جبکہ واسا کے افسران و سٹاف نکاسی آب کیلئے فیلڈ میں موجود رہیں۔ایم ڈی واسا نے مزید کہا کہ بجلی کی بندش کی صورت میں ڈسپوزل اسٹیشنز کو جنریٹرز کو چلایا جائے، تمام ایمرجنسی کیمپس پر سٹاف کی حاضری یقینی بنایا جائے تاکہ مزیدبارشوں کی پیشن گوئی کے پیشِ نظر کسی بھی ہنگامی صورتحال سے نمٹا جاسکے ۔ایم ڈی واسا نے کہا کہ تمام جنریٹرز آپریشنل اور اسٹینڈ بائی رکھے گئے ہیں۔انہوں نے کہا کہ بدھ کی صبح تک سب سے زیادہ بارش تاجپورہ میں 85ملی میٹر ریکارڈ کی گئی۔