مظفرگڑھ،محکمہ اینٹی کرپشن نے ایم این اے معظم جتوئی کی گرفتاری ظاہر کردی

جمعرات 18 جولائی 2024 16:03

مظفرگڑھ (اُردو پوائنٹ اخبارتازہ ترین - این این آئی۔ 18 جولائی2024ء) محکمہ اینٹی کرپشن مظفرگڑھ نے پاکستان تحریک انصاف کے رکن قومی اسمبلی معظم جتوئی کی گرفتاری ظاہر کردی۔

(جاری ہے)

پولیس نے بتایا کہ معظم جتوئی کرپشن کے مقدمے میں تھانہ صدر مظفرگڑھ میں بند ہیں، اینٹی کرپشن حکام درج مقدمہ میں ریمانڈ کے لیے انہیں عدالت میں پیش کریں گے۔معظم جتوئی قومی اسمبلی کے حلقے این اے 177 سے ایم این اے ہیں۔واضح رہے کہ گزشتہ روز پی ٹی آئی کے رہنما اسد قیصر نے دعویٰ کیا تھا کہ اینٹی کرپشن نے ہمارے رکن قومی اسمبلی معظم جتوئی کو اٹھا لیا۔