Live Updates

حکومت ریکارڈ پر لائے پٹرول کی قیمت کس طرح مقرر کی جاتی ہی قیمتیں بڑھانے کا طریقہ کار واضح کیا جائے‘ ہائیکورٹ

جسٹس شاہد کریم نے پٹرولیم قیمتوں میں حالیہ اضافے کے خلاف درخواست پر سماعت کر کے حکومت سے جواب طلب کر لیا

جمعہ 19 جولائی 2024 12:12

لاہور(اُردو پوائنٹ اخبارتازہ ترین - این این آئی۔ 19 جولائی2024ء) لاہور ہائیکورٹ نے پٹرول اور ڈیزل کی قیمتوں میں حالیہ اضافے کے خلاف دراخواست پر وفاقی حکومت سے جواب طلب کر لیا۔لاہور ہائیکورٹ کے جسٹس شاہد کریم نے جوڈیشل ایکٹوازم پینل کی درخواست پر سماعت کی۔ درخواست گزار کی جانب سے اظہر صدیق ایڈووکیٹ نے دلائل پیش کیے۔

(جاری ہے)

وکیل درخواست گزار نے موقف اپنایا کہ بجلی اور پٹرول عوام کی پہنچ سے دور ہو چکے ہیں، پٹرول کی قیمتیں بڑھنے سے مہنگائی میں مزید اضافہ ہو گیا ہے، حکومت بغیر کسی وجہ کے پٹرولیم مصنوعات کی قیمتوں میں اضافہ کر دیتی ہے۔

دورا ن سماعت اسسٹنٹ ایڈووکیٹ جنرل نے کہا کہ پٹرولیم مصنوعات کی قیمتوں میں عالمی مارکیٹ کے مطابق اضافہ کیا گیا ہے۔عدالت نے ریمارکس دیئے کہ وفاقی حکومت ریکارڈ پر لائے پٹرول کی قیمت کس طرح مقرر کی جاتی ہی پٹرولیم کی قیمتیں بڑھانے کا طریقہ کار واضح کیا جائے۔بعدازاں عدالت عالیہ نے پٹرولیم منصوعات کی قیمتوں میں اضافے کیخلاف جوڈیشل ایکٹوازم پینل کی درخواست پر حکومت سے جواب طلب کرتیہوئے کیس کی سماعت ملتوی کردی۔