خفیہ کال ریکارڈنگ، کالعدم ٹی ٹی پی کمانڈرزکیخلاف مقدمہ درج

پیر 29 جولائی 2024 19:47

اسلام آباد (اُردو پوائنٹ اخبارتازہ ترین - این این آئی۔ 29 جولائی2024ء) کالعدم ٹی ٹی پی کمانڈر نور ولی محسود کی خفیہ کال ریکارڈنگ کا معاملہ، نور ولی محسود اور غٹ حاجی کے خلاف تھانہ سی ٹی ڈی شمالی وزیرستان میں ایف آئی آر درج کرلی گئی۔سیکیورٹی ذرائع کے مطابق نور ولی محسود کے خلاف مقدمے میں انسدادِ دہشتگردی کی دفعات شامل کی گئی ہیں۔

(جاری ہے)

انسدادِ دہشتگردی ایکٹ کے تحت تھانہ سی ٹی ڈی ڈیرہ اسماعیل خان میں بھی ایف آئی آر درج کی گئی ہے۔

ڈیرہ اسماعیل خان کے علاقے کِری شموزئی میں دیہی ہیلتھ سینٹر پرحملے کا مقدمہ درج کیا گیا ہے۔نور ولی محسود اور احمد حسین عرف غٹ حاجی کی خفیہ کال منظر ِعام پر آئی تھی۔خفیہ کال میں نور ولی محسود، غٹ حاجی کو پاکستان میں اسکول اور اسپتالوں کو نشانہ بنانے کی ہدایت کررہا تھا۔