اعلیٰ و ثانوی تعلیمی بورڈزفیصل آبادسمیت صوبہ کے تمام بورڈزکے زیراہتمام دوسرا سالانہ امتحان میٹرک کا آغاز 20 اگست سے ہوگا

منگل 30 جولائی 2024 13:46

مکوآنہ (اُردو پوائنٹ اخبارتازہ ترین - این این آئی۔ 30 جولائی2024ء) اعلیٰ و ثانوی تعلیمی بورڈزفیصل آبادسمیت بورڈزآف انٹرمیڈیٹ اینڈ سیکنڈری ایجوکیشن سرگودھا، ساہیوال، گوجرانوالہ، ملتان، بہاولپور، ڈیرہ غای خان، راولپنڈی اور لاہور کے زیراہتمام دوسرا سالانہ امتحان میٹرک کا آغاز 20اگست سے ہوگا جس کا داخلہ شیڈول جاری کردیا گیا ہے۔

(جاری ہے)

سیکرٹری بورڈ آف انٹرمیڈیٹ اینڈ سیکنڈری ایجوکیشن فیصل آباد ڈاکٹر حبیب الرحمن نے بتایا کہ مذکورہ امتحان میں شرکت کرنیوالے طلبہ تین گنا فیس کے ساتھ اب 31 جولائی تک فارم جمع کرواسکتے ہیں۔انہوں نے بتایا۔ اس ضمن میں مزید معلومات و رہنمائی کیلئے فیصل آباد بورڈ کی میٹڑک امتحانی برانچ سے رابطہ کیا جاسکتا ہے۔