فیلڈ انویسٹی گیٹر محکمہ زراعت سمبڑیال كا کاشتکاروں کی راہنمائی کے حوالے سےمختلف علاقوں کا دورہ

جمعرات 1 اگست 2024 16:57

سمبڑیال (اُردو پوائنٹ اخبارتازہ ترین - اے پی پی۔ 01 اگست2024ء) فیلڈ انویسٹی گیٹر محکمہ زراعت سمبڑیال لیاقت علی نے کاشتکاروں کی راہنمائی کے حوالے سے تحصیل سمبڑیال کے مختلف علاقوں کا دورہ کیا ۔ اس دوران انہوں نے کسانوں کو کسان کارڈ کے حوالے سے آگاہ کیا اور اس کی اہمیت کے بارے میں بتایا۔

(جاری ہے)

انہوں نے اس موقع پر کاشتکاروں سے کسان دوست کارڈ کے حصول کیلئے 8070 پر میسج کروائے تاکہ لوگوں کو کسان کارڈ مہیا ہوسکے۔انہوں نے بتایا کہ کسان کارڈ حاصل کرنے کیلئے اپنا شناختی کارڈ نمبر8070 پر میسج کریں اور اپنی رجسٹریشن کروائیں تاکہ وزیراعلیٰ پنجاب مریم نواز شریف کی جانب سے دی جانے والی سبسڈی سے مستفید ہوسکیں۔