دلجیت دوسانج نے پاکستان مخالف فلم بارڈر2 میں سنی دیول کو جوائن کرلیا

جمعہ 2 اگست 2024 22:06

ممبئی(اُردو پوائنٹ اخبارتازہ ترین - آن لائن۔ 02 اگست2024ء) بھارت کے عالمی شہرت یافتہ گلوکار اور اداکار دلجیت دوسانج نے بارڈر2 میں سنی دیول کو جوائن کرلیا۔بھارتی میڈیا کے مطابق دلجیت دوسانج کی بارڈر2 میں شمولیت کی خبر سامنے آتے ہی ان کے مداحوں میں جوش و خروش بڑھ گیا ہے اور وہ اپنے پسندیدہ فنکار کو ایک فوجی کے روپ میں دیکھنا چاہتے ہیں۔

(جاری ہے)

ذرائع کے مطابق فلم میں گلوکار کے کردار کی تفصیلات کو ابھی پردے میں رکھا گیا ہے لیکن وہ فلم میں ایک آرمی آفیسر کا کردار کریں گے۔

بالی وڈ اسٹار سنی دیول نے رواں برس جون میں 27 برس بعد پاکستان کے خلاف پروپیگنڈا فلم بارڈر کے سیکوئیل کا اعلان کیا تھا۔بالی وڈ کی سب سے بڑی وار ڈراما پروپیگنڈا فلم کی شوٹنگ اکتوبر میں شروع ہوگی اور اسے ندھی دتا نے لکھا ہے۔بھارتی میڈیا ذرائع کے مطابق بارڈر2 کیلئے تیاریاں کافی عرصے سے جاری تھیں اور اس کی کہانی پہلی فلم کے ساتھ ہی جوڑی جائے گی۔