) این اے 18ہری پور میں دھاندلی کی تحقیقات ‘اسلام آباد ہائیکورٹ الیکشن کمیشن کی کارروائی پر سماعت رواں ہفتے کرے گی

اتوار 4 اگست 2024 17:20

ض*اسلام آباد(اُردو پوائنٹ اخبارتازہ ترین - آن لائن۔ 04 اگست2024ء) اسلام آباد ہائیکورٹ این اے 18ہری پور میں دھاندلی کی تحقیقات کیلئے الیکشن کمیشن کی کارروائی پرسماعت رواں ہفتے کرے گی عدالت عالیہ نے پہلے ہی حکم امتناع جاری کر تے ہوئے الیکشن کمیشن کو کارروائی سے روک دیاتھا۔چیف جسٹس اسلام آباد ہائیکورٹ عامر فاروق نے فریقین کو نوٹس جاری کرتے ہوئے جواب طلب کیے تھے۔

،عدالت نے الیکشن کمیشن، ریٹرننگ افسر این اے 18، ڈسٹرکٹ ریٹرننگ افسر اور بابر نواز خان کو نوٹس جاری کیاتھا۔اسلام آباد ہائیکورٹ کے چیف جسٹس عامر فاروق نے تحریری حکم نامہ پچھلے ہفتے جاری کیاتھا۔۔ اسلام آبادہائیکورٹ میں این اے 18ہری پور میں دھاندلی کی تحقیقات کیلئے الیکشن کمیشن کی کارروائی پر حکم امتناع کیلئے درخواست پر سماعت ہوئی، پی ٹی آئی رہنما عمر ایوب نے الیکشن کمیشن کی کارروائی اور 10جولائی کے آرڈر کو چیلنج کیا ہے،درخواست میں موقف اختیار کیا گیا ہے کہ الیکشن کمیشن نے درخواست پر 60 دنوں میں فیصلہ کرنا ہوتا ہے،60دن گزرنے کے بعد الیکشن کمیشن میں کارروائی غیرقانونی ہے۔

(جاری ہے)

اسلام آباد ہائیکورٹ نے این اے 18ہری پور میں دھاندلی کی تحقیقات کیلئے الیکشن کمیشن کی کارروائی پر حکم امتناع جاری کر دیا اور الیکشن کمیشن کو (ن)لیگ کے بابرنواز کی درخواست پر کارروائی سے روک دیا۔چیف جسٹس اسلام آباد ہائیکورٹ عامر فاروق نے فریقین کو نوٹس جاری کرتے ہوئے جواب طلب کرلیا،عدالت نے الیکشن کمیشن، ریٹرننگ افسر این اے 18، ڈسٹرکٹ ریٹرننگ افسر اور بابر نواز خان کو نوٹس جاری کر دیا۔اسلام آباد ہائیکورٹ کے چیف جسٹس عامر فاروق نے تحریری حکم نامہ جاری کردیاتھا۔