وزیراطلاعات عظمی بخاری کا اچانک ڈی جی پی آر کا دورہ، بیشتر افسران ،ملازمین کی دفاتر میں عدم موجودگی پر برہمی کا اظہار

منگل 6 اگست 2024 22:54

لاہور (اُردو پوائنٹ اخبارتازہ ترین - این این آئی۔ 06 اگست2024ء) وزیر اطلاعات پنجاب عظمی بخاری کا اچانک ڈی جی پی آر کا دورہ،بلڈنگ کے تینوں فلور پر قائم کمروں کا وزٹ،بیشتر افسران اور ملازمین کی دفاتر میں عدم موجودگی پر برہمی کا اظہار،ڈیوٹی ٹائم پر دفتر نہ پہنچنے والے افسران اور ملازمین سے وضاحت طلب،پورے سٹاف کی بائیو میٹرک حاضری چیک کی۔

9:00 حاضری یقینی بنانے کی ہدایت۔

(جاری ہے)

صفائی کے ناقص انتظامات پر سختی برہم،وزیر اطلاعات پنجاب عظمی بخاری گزشتہ روز صبح صبح ڈی جی پی آر کے اچانک دورے پر پہنچ گئیں،انہوں نے ڈی جی پی آر کے تمام دفاتر کا وزٹ کیا اور فرد فرد سٹاف سے تفصیلی انکے کام کی نوعیت سے متعلق دریافت کیا۔افسران اور ملازمین کی حاضری بھی چیک کی۔ ڈیجٹل میڈیا کی کارکردگی پر ناراضگی کا اظہار کیا۔

ڈیجٹل میڈیا کو متحرک کرنے کی ہدایت کی۔تمام افسران اور ملازمین کو صبح 9 بجے ڈیوٹی پر پہنچنے کی ہدایت جاری کیں اور ساتھ ہی ڈپٹی ڈائریکٹر کوارڈینیشن صدیق کیانی کو روزانہ بائیو میٹرک حاضری صبح ساڑھے 9 بجے تک انکو ذاتی طور پر بھیجنے کا بھی حکم دیا۔عظمی بخاری نے ڈے کیئر سینٹر کا بھی دورہ کیا۔شعبہ اطلاعات میں کام کرنے والی خواتین کو واضح کہا آپ کو کوئی بھی مسئلہ ہو براہ راست مجھے بتائیں۔