جیکب آباد کی عدالت نے گٹکا اسمگلنگ کیس میں اسپیشل برانچ کے دو اہلکاروں سمیت چار افراد کو 2،2سال قید اور تین تین لاکھ جرمانے کی سزا سنادی

ہفتہ 10 اگست 2024 19:56

جیکب آباد (اُردو پوائنٹ اخبارتازہ ترین - آن لائن۔ 10 اگست2024ء) جیکب آباد کی عدالت نے گٹکا اسمگلنگ کیس میں اسپیشل برانچ کے دو اہلکاروں سمیت چار افراد کو 2،2سال قید اور تین تین لاکھ جرمانے کی سزا سنادی تفصیلات کے مطابق جیکب آبادکے سیکنڈ سول جج نثار احمد شر کی عدالت نے گٹکا اسمگلنگ کیس میں اسپیشل برانچ سکھر کے اے ایس آئی آفتاب جتوئی،اہلکارشاہد پٹھان سمیت زاہدالرحمان سومرو اور محمد سلیم سنجرانی کو دو سو سال قید اور تین،تین لاکھ جرمانے کی سزا سنادی،جرمانہ ادانہ کرنے کی صورت میں ملزمان کو مزیدایک سال قید کاٹنا پڑے گی،ملزمان کے خلاف آباد تھانے پر مقدمہ درج ہے گٹکا سرکاری گاڑی میں بلوچستان سے سکھر اسمگل کررہے تھے کہ پکڑے گئے۔#