ایم کیو ایم کے سینئر رہنما سید مصطفیٰ کمال اور انیس قائمخانی کا ذمہ داران کے ہمراہ کڈنی ہل پارک کا دورہ

ہفتہ 10 اگست 2024 21:47

کراچی(اُردو پوائنٹ اخبارتازہ ترین - آن لائن۔ 10 اگست2024ء) متحدہ قومی موومنٹ پاکستان کے سینئر رہنما سید مصطفیٰ کمال اور انیس قائمخانی نے یوم آزادی کی مرکزی تقریب کے انعقاد کے سلسلے میں کراچی کے علاقے بہادرآباد میں واقع کڈنی ہل پارک کا دورہ کیا۔ اس موقع پر اٴْن ہمراہ مرکزی کمیٹی اور ایم کیو ایم پاکستان کے مختلف شعبہ جات کے تنظیمی ذمہ داران موجود تھے۔

(جاری ہے)

ایم کیو ایم پاکستان کے تحت 14 اگست کو جشن آزادی کے سلسلے میں مرکزی تقریب کڈنی ہل پارک میں منعقد کی جارہی ہے جس میں بڑے پیمانے پر شجرکاری کی جائے گی، اس سلسلے میں کراچی بھر سے ایم کیو ایم پاکستان کے کارکنان اور عوام اپنے اہل خانہ کے ہمراہ 14 اگست کو کڈنی ہل پارک آئیں گے، بعدازاں ایم کیو ایم پاکستان کے مرکزی رہنما جشن آزادی کی تقریب کے شرکائ سے خطاب فرمائیں گے۔