بھارت میں مور کا سالن بناکر ویڈیو وائرل کرنے پر یوٹیوبرگرفتار

بھارت کے قومی پرندے مور کا شکار کرنے اور اسے مارنے پر سخت پابندی عائد ہے

پیر 12 اگست 2024 22:53

سرسلہ (اُردو پوائنٹ اخبارتازہ ترین - آن لائن۔ 12 اگست2024ء) بھارتی ریاست تلنگانہ کے سرسلہ ضلع سے تعلق رکھنے والے یوٹیوبر کو اتوار کو اس وقت حراست میں لیا گیا جب ’مور کا سالن‘ بنانے اور کھانے کی ان کی ویڈیو انٹرنیٹ پر وائرل ہوگئی۔بھارتی نشریاتی ادارے نیوز 18 کی رپورٹ کے مطابق اس ویڈیو پر سوشل میڈیا صارفین کی جانب سے شدید رد عمل سامنے آیا تھا، جس میں لوگوں نے یوٹیوبر کودم پرانیکمار پر غیر قانونی جنگلی حیات کے استعمال کو فروغ دینے کا الزام عائد کیا تھا، کودم پرانے کمار پر اب وائلڈ لائف پروٹیکشن ایکٹ کے تحت مقدمہ درج کیا گیا ہے۔

وائلڈ لائف پروٹیکشن1972 ایکٹ کی دفعہ 51 کے سیکسن (ون ای) کے تحت بھارت کے قومی پرندے مور کا شکار کرنے اور اسے مارنے پر سخت پابندی عائد ہے۔

(جاری ہے)

’ٹریڈشنل پی کوک کری‘ کے عنوان سے منسوب متنازع ویڈیو کو یوٹیوبر کودم پرانے کمار کے چینل سے ہٹا دیا گیا ہے۔مزید آزاں محکمہ جنگلات نے یوٹیوبر کو حراست میں لیتے ہوئے اس علاقے کا معائنہ کیا جہاں پر یوٹیوبر نے مور کا سالن اور اس کی ویڈیو شوٹ کی تھی۔محکمہ جنگلات کے اہلکاروں نے کودم پرانیکمار کے خون کے ٹیسٹ اور ’کری‘ کے کچھ نمونوں کو جمع کرکے ٹیسٹ کے لیے بھیج دیا ہے۔پولیس کے مطابق اگر ٹیسٹ میں مور کے گوشت کی تصدیق ہوئی تو مزید کاروائی کی جائے گی، جبکہ حکام ویڈیو کیمستند ہونیکے حوالے سے تصدیق کررہے ہیں۔