د*کرکٹ بورڈ کی چار بااثر شخصیات کو خلاف ضابطہ الاونسز دیے جانیکا انکشاف

اتوار 18 اگست 2024 18:15

،ْاسلام آباد (اُردو پوائنٹ اخبارتازہ ترین - آن لائن۔ 18 اگست2024ء) پاکستان کرکٹ بورڈ کے بورڈ آف گورنرزاجلاس کے بغیرہی ادائیگیوں کا انکشاف، دسمبر2022 سے جون 2023 تک بورڈ کے صرف 5 اجلاس ہوئے، چاربااثر ممبران کو 116روزکے الاونسزکی مد میں ادائیگیاں کی گئیں، آڈیٹر جنرل کی ادا?یگیاں خلاف ضابطہ قرار دیتے ہوے ریکوری کرنے کی سفارش کردی۔ تفصیلات کے مطابق آڈیٹر جنرل کی رپورٹ کے مطابق پی سی بی کے چاربااثرممبران کو1کروڑ17لاکھ کی اضافی ادائیگیاں کی گئیں، نجم سیٹھی، شکیل شیخ، اعزاد سید، ہارون رشید اضافی ادائیگیاں لینے والوں میں شامل ہیں، دسمبر2022 سے جون 2023 تک بورڈ کے صرف 5 اجلاس ہوئے، چاروں ممبران پانچ روزاجلاس میں شرکت کی لیکن ڈیلی اورمیٹنگ الاونس کی مد مین 116روزکی ادائیگیاں کی گئیں، چاروں ممبران کوفروری، مارچ، اپریل اورجون کی ادائیگیاں کی گئیں۔

(جاری ہے)

جن میں نجم سیٹھی کو 46لاکھ 60ہزارروپے، شکیل شیخ کو 40لاکھ 60ہزار، ایذید سید کو 39لاکھ، محمدہارون رشید کو 35لاکھ روپے کی ادائیگیاں کی گئی جسے آڈیٹر جنرل نے خلاف ضابطہ قرار دی ہے۔رپورٹ کے مطابق پی سی بی ممبرزکومیٹنگ الاونس کی مد میں 10ہزارفی اجلاس جبکہ ڈیلی الاونس کی مد میں 25 ہزارروپے دیا جاتا ہے، چارممبران کومکمل حاضری کے بغیراضافی 1کروڑ17لاکھ ادائیگیاں ہوئیں لاہورکے رہائشی ہونے کے باوجود خلاف ضابطہ میٹنگ اوریومیہ الاونس دیا گیا۔