وزیر اعلیٰ بلو چستان سے ڈپٹی چیئر مین سینیٹ سید ال خان ناصر کی ملاقا ت

صوبے کی مجموعی سیاسی و سماجی اور امن و امان کی صورتحال پر تبادلہ خیال کیا گیا

ہفتہ 7 ستمبر 2024 23:26

کوئٹہ (اُردو پوائنٹ اخبارتازہ ترین - این این آئی۔ 07 ستمبر2024ء) وزیراعلیٰ بلو چستان میر سرفرازبگٹی سے ہفتہ کو یہا ں ڈٖپٹی چیئر مین سینیٹ سید ال خان نا صر نے ملا قات کی اس موقع پر پا کستان پیپلز پاٹی کے مرکزی رہنماء سید نئیر حسین بخاری بھی موجود تھے ملاقات میں بلوچستان کی مجموعی سیاسی و سماجی اور امن و امان کی صورتحال پر تبادلہ خیال کیا گیا ڈپٹی چیئرمین سینیٹ سے گفتگو کرتے ہوئے وزیر اعلی بلوچستان میر سرفراز بگٹی نے کہا کہ پائیدار قیام امن کیلئے قومی یکجہتی اشد ضروری ہے ملکی سلامتی اور قومی یکجہتی سب سے مقدم ہے بلوچستان کو عالمی سازشوں کا شکار بننے نہیں دیں گے اتحاد و اتفاق اور سیاسی مفاہمت سے ملک کے خلاف ہونے والی تمام سازشوں کو ناکام بنائیں گے۔

(جاری ہے)

انہوں نے کہا کہ پرامن بلوچستان سے ہی سیاسی استحکام اور پائیدار ترقی ممکن ہے وزیر اعلٰی نے کہا کہ ہم سیاسی روا داری اور مثبت سیاسی سوچ کو لیکر آگے بڑھ رہے ہیں مفاد عامہ سے متعلق مثبت تجویز کا خیرمقدم اور ان پر عمل درآمد کیا جائے گا ۔