ورچوئل ایسٹ سروس فراہمی کیلئے لائسنسنگ کا آغاز، عالمی اداروں کو پاکستان کی ڈیجیٹل اکانومی کا حصہ بننے کی دعوت

اتوار 14 ستمبر 2025 11:55

اسلام آباد(اُردو پوائنٹ اخبارتازہ ترین - این این آئی۔ 14 ستمبر2025ء)پاکستان میں ورچوئل ایسٹ سروس فراہم کرنے کے لیے لائسنسنگ کا باضابطہ آغاز ہو گیا۔ عالمی ایکسچینجز سے اظہارِ دلچسپی کی درخواستیں طلب کر لی گئی ہیں۔وزارت خزانہ کے مطابق درخواستیں پاکستان ورچوئل ایسٹ ریگولیٹری اتھارٹی نے طلب کی ہیں۔ عالمی اداروں کو پاکستان کی ڈیجیٹل اکانومی کا حصہ بننے کی دعوت دی گئی ہے۔

(جاری ہے)

وزارت خزانہ کا کہنا ہے کہ پاکستان میں ورچوئل ایسٹ مارکیٹ کا حجم 300 ارب ڈالر سے زائد ہے۔ ملک میں ڈیجیٹل نیٹ ورک استعمال کرنے والے صارفین کی تعداد 4 کروڑ ہے۔ریگولیٹری اتھارٹی کے مطابق لائسنسنگ سے شفافیت یقینی ہوگی۔ منی لانڈرنگ اور دہشت گردوں کی مالی معاونت روکنے میں بھی مدد ملے گی۔ وزارت خزانہ کے مطابق ایف بی آر، ایس ای سی پی اور اسٹیٹ بینک بھی اتھارٹی کے بورڈ کا حصہ ہیں۔