بنگلہ دیشی کرکٹ ٹیم کو دورہ بھارت سے قبل دھمکیاں موصول

بنگلہ دیشی ٹیم کے خلاف ہندو جماعت نے کانپور ٹیسٹ کے دوران احتجاج کی کال دی ہے

ذیشان مہتاب پیر 9 ستمبر 2024 12:55

بنگلہ دیشی کرکٹ ٹیم کو دورہ بھارت سے قبل دھمکیاں موصول

ڈھاکہ (اردو پوائنٹ تازہ ترین اخبار ۔ 9 ستمبر 2024ء ) بنگلہ دیش کرکٹ ٹیم کو دورہ بھارت سے قبل دھمکیاں ملنے کا انکشاف ہواہے ۔ بنگلہ دیشی ٹیم دو ٹیسٹ میچز کھیلنے کے لیے بھارت روانہ ہونا ہے لیکن اس سے قبل ہی ٹیم کو دھمکیاں موصول ہونے لگیں۔ شیڈول کے تحت بنگلہ دیش کو پہلا ٹیسٹ 19 ستمبر چنئی میں اور 27 ستمبر کو کانپور میں دوسرا ٹیسٹ کھیلنا ہے۔ میڈیا رپورٹ کے مطابق بنگلہ دیشی ٹیم کے خلاف ہندو جماعت نے کانپور ٹیسٹ کے دوران احتجاج کی کال دی ہے۔

(جاری ہے)

ٹیسٹ سیریز کا آغاز انیس ستمبر سے ہوگا۔ بنگلہ دیش کرکٹ بورڈ کا کہنا ہے کہ اس معاملے کا نوٹس لیا ہے اور ہم بی سی سی آئی سے رابطے میں ہیں۔ رپورٹ کے مطابق سیکیورٹی خدشات کے باعث کانپور ٹیسٹ کو اندور منتقل کیا جاسکتا ہے۔ رپورٹ میں بتایا گیا کہ ہندو محاسبہ کے نائب صدر جیویر بھردواج کا کہنا ہے کہ ہم گوالیار میں بنگلہ دیش کے ساتھ ٹی 20 میچ بھی نہیں ہونے دیں گے۔