فوج کو حزب اللہ کے خلاف حالات بدلنے کی ضرورت سے آگاہ کردیا ہے،اسرائیل وزیراعظم

حزب اللہ ایران کا مضبوط بازو ہے۔ انہوں نے کہا کہ شمال میں ایسے حالات ہی جاری رہنا ناممکن ہے،بیان

پیر 9 ستمبر 2024 14:45

فوج کو حزب اللہ کے خلاف حالات بدلنے کی ضرورت سے آگاہ کردیا ہے،اسرائیل ..

تل ابیب (اُردو پوائنٹ اخبارتازہ ترین - این این آئی۔ 09 ستمبر2024ء) اسرائیلی فوج کے اعلان کے بعد کہ اگر ضرورت پڑی تو وہ لبنان کے اندر جارحانہ کارروائی کرنے کی تیاری کر رہی ہے۔ اسرائیلی وزیر اعظم نیتن یاہو نے بھی نئی دھمکیاں جاری کردی ہیں۔غیرملکی خبررساں ادارے کے مطابق نیتن یاہو نے ایک بیان میں کہا کہ انہوں نے فوج کو لبنان کے ساتھ سرحد پر شمالی اسرائیل کی صورت حال کو تبدیل کرنے کے لیے ہدایات جاری کردی ہیں۔

انہوں نے مزید کہا کہ حزب اللہ ایران کا مضبوط بازو ہے۔ انہوں نے کہا کہ شمال میں ایسے حالات ہی جاری رہنا ناممکن ہے۔

(جاری ہے)

ان حالات کو تبدیل کیا جائے گا۔ انہوں نے شمال کے تمام رہائشیوں کو ان کے گھر واپس کرنے کے اپنی حکومت کے عزم کا اعادہ بھی کیا۔مزید برآں انہوں نے کہا کہ ان کا ملک برائی کے ایرانی محور کے خلاف جنگ میں ہے اور تہران کو ایٹمی ہتھیار رکھنے سے روکنے کا پابند ہے۔ انہوں نے مزید کہا کہ اگر تل ابیب نے گزشتہ برسوں میں کارروائی نہ کی ہوتی تو تہران اب تک جوہری ہتھیار حاصل کر چکا ہوتا۔ نیتن یاہو کے یہ بیانات اسرائیلی فوج کے چیف آف سٹاف ہرزی ہیلیوی کے اس اعلان کے بعد سامنے آئے ہیں کہ ان کی افواج لبنان کے اندر جارحانہ اقدامات کرنے کی تیاری کر رہی ہیں۔