پہلی قمر زمان آل پاکستان نیشنل جونیئر بوائز اینڈ گرلز اسکواش چیمپئن شپ اختتام پذیر

امجد علی خان منگل 10 ستمبر 2024 17:34

پشاور( اُردو پوائنٹ اخبارتازہ ترین۔ 10 ستمبر 2024ء ) پہلی قمر زمان آل پاکستان نیشنل جونیئر بوائز اینڈ گرلز اسکواش چیمپئن شپ اختتام پذیر ہوگئی۔ فائنل کے مہمان خصوصی ایئر کموڈور (ر) سید مظہر عباس تھےاس ٹورنامنٹ کو عباس کے خاندان نے سپانسر کیا تھا۔ اختتامی تقریب کی قیادت جناب داؤد خان، سیکرٹری لوکل گورنمنٹ، حکومت خیبرپختونخوا اور کے پی اسکواش ایسوسی ایشن کے صدر نے کی۔

اختتامی تقریب میں سابق عالمی سکواش چیمپئن جناب قمر زمان بھی موجود تھے۔

(جاری ہے)

تقریب میں ایئر کموڈور عباس کی بیٹی تانیہ کریم اور ڈاکٹر رومیان علی زئی بھی موجود تھیں۔ اس تقریب میں بوائز انڈر 15، انڈر 17، اور گرلز انڈر 15 اور 17 سمیت کیٹیگریز میں نمایاں صلاحیتوں کا مظاہرہ کیا گیا۔ دیگر معزز مہمانوں میں جناب محب اللہ خان، جنرل سیکریٹری کے پی ایس اے، جناب منصور زمان، جناب عرفان اصغر - ڈائریکٹر اکیڈمیز شامل تھے۔ پاکستان سکواش فیڈریشن، فنانس سیکرٹری جناب وزیر محمد، فزیکل کوچ جناب فضل خلیل، چیف آرگنائزر اور سینئر ڈائریکٹوریٹ کوچ جناب منور زمان، اور چیف ریفری جناب عادل فقیرتھے