Live Updates

فاونٹین ہاوس لاہور میں ٹرانسجینڈرز کے ساتھ ورکشاپ

جیو پاک انٹرنیشنل ہسپتال مہلنوال کی جانب سے فری علاج کی سہولتوں کا اعلان

شاہد نذیر چودھری پیر 16 جون 2025 12:54

فاونٹین ہاوس لاہور میں ٹرانسجینڈرز کے ساتھ ورکشاپ

لاہور( اُردو پوائنٹ اخبارتازہ ترین۔ 16 جون 2025ء ) جیو پاک انٹرنیشنل ہسپتال مہلنوال لاہور کے 4 رکنی وفد نے فاونٹین ہاوس لاہور کا دورہ کیا جس میں چیف ایگزیکٹو محمد عبدالشکور ، ڈائریکٹر ڈاکٹر زین اور مارکیٹنگ ڈائریکٹر ڈاکٹر ذیشان صدیق شامل تھے۔ڈاکٹر زین نے خواجہ سراہ کی کمیونٹی سے فاونٹین ہاوس میں خصوصآ خطاب کیااور کہا کہ ٹرانجینڈرز کو پروفیشنل ایجوکشن حاصل کرنی چاہئے۔

تعلیما ور ہنر ہی ایسی چیز ہیں جو ٹرانسجینڈرز کی تقدیر بدل سکتے ہیں اور وہ مظلوم کہلانے کی بجائے مسیحا بنس کتے ہیں جس کی ایک مثال کود میں ہوں،میں نے ٹرانسجینڈر ہوکر میڈیکل کی تعلیم مکمل کی ہے اور اب ایک ہسپتال چلا رہا ہوں ،میں اب بھی آپ میں سے ہوں مگر اب آپ کو بھی میرا ساتھ دینا ہوگا تاکہ امید اور جستجو نہ ٹوٹے۔

(جاری ہے)

انھوں نے جیو پاک انٹرنیشنل ہسپتال میں بوڑھے خواجہ سراہوں کے لیے 20 بیڈز کے وارڈ کا اعلان بھی کیا جس میں ان لوگوں کو رہائش اور میڈیکل کی تمام سہولیات مفت میسر کی جائیں گی ۔

تمام خواجہ سراہوں کے لیے علاج کی تمام سہولیات اور کھانا مفت فراہم کیا جائے گا۔ پاکستان کے ہر علاقہ میں خواجہ سراہوں کے کیے مفت کیمپ لگائے جائیں گے اس تقریب کے موقعہ پر سماجی رہنماء شیخ پرویز نے بطور مہمان خصوصی شرکت کی ۔انھوں نے جیو پاک انٹرنیشنل ہسپتال کی خواجہ سراہوں کے لیے پیش کی خدمات کو سراہا۔ اور فاونٹین ہاوس کی انتظامیہ کا بھی شکریہ ادا کیا جنہوں نے فاونٹین ہاوس میں خواجہ سراوں کو عزت کے ساتھ ہنر سکھانے اور علاج کرانے کی سہولتیں مہیا کی ہیں۔شیخ پرویز نے کہا ہے فاونٹین ہاوس کے ایم ایس ڈاکٹر عمران سچے پاکستانی ہیں جنہوں نے ذہنی امراض میں مبتلا ٹرانسجینڈرز کے علاج واسطے وسیع انتظامات کئے ہوئے ہیں اور بالکل فری سہولتیں دی جاتی ہیں۔