Live Updates

جنوبی افریقہ سے ون ڈے سیریز،افغان ٹیم میں راشد خان کی واپسی

انجری کے سبب ابراہیم زدران اور مجیب الرحمان بدستور عدم دستیاب ہیں

جمعہ 13 ستمبر 2024 11:36

جنوبی افریقہ سے ون ڈے سیریز،افغان ٹیم میں راشد خان کی واپسی

دبئی(اُردو پوائنٹ اخبارتازہ ترین - این این آئی۔ 13 ستمبر2024ء) افغانستان نے جنوبی افریقہ سے پہلی باہمی ون ڈے سیریز کیلیے اسکواڈ کا اعلان کر دیا، تجربہ کارآل راؤنڈر راشد خان کی واپسی ہو گئی، وہ ورلڈکپ کے بعد پہلا میچ کھیلیں گے۔

(جاری ہے)

انجری کے سبب ابراہیم زدران اور مجیب الرحمان بدستور عدم دستیاب ہیں، نئے پلیئر بلال سمیع کے ساتھ درویش رسولی اور عبدالملک بھی منتخب کھلاڑیوں میں شامل ہیں۔

17 رکنی اسکواڈ حشمت اللہ شاہدی (کپتان ) رحمت شاہ، رحمان اللہ گرباز، اکرام علی خیل، عبدالملک، ریاض حسن، درویش رسولی، عظمت اللہ عمرزئی، محمد نبی، گلبدین نائب، راشد خان، ننگیالیہ کھروٹے، اے ایم غضنفر، فضل حق فاروقی، بلال سمیع، نوید زدران اور فرید احمد پر مشتمل ہے۔یو اے ای میں تین میچز کی سیریز کا آغاز18 ستمبرکو ہوگا، تینوں میچز شارجہ میں شیڈول ہیں۔