عید میلاد النبی ﷺ کے سلسلہ میں جامع مسجد دودھنیال میں محفل میلاد، ریلی کا انعقاد

نیلم (اُردو پوائنٹ اخبارتازہ ترین - اے پی پی۔ 17 ستمبر2024ء) مرکزی سیرت کمیٹی،تحریک لبیک یارسول اللہ پاکستان کے زیر اہتمام عید میلادالبنی ﷺ،تحفظ ختم نبوت مذہبی جوش وجذبہ وعقیدت واحترام سے منائی جا رہی ہے۔عاشقان رسول ﷺ نے عید میلاد النبی ﷺ کے سلسلہ میں جامع مسجد دودھنیال میں محفل میلاد کے بعد عظیم الشان ریلی نکالی گئی ۔ریلی کی قیادت مرکزی سیرت کمیٹی کے ضلعی نائب صدر سید مبشر گیلانی نے کی۔

جشن عید میلاد النبی ﷺعقیدت واحترام سے منانے کی تیاریاں دودھنیال کے نوجوانوں اور علماء کرام نے مشترکہ کیں تھیں۔عید میلاد النبی ﷺ کی خوشی میں صفائی ستھرائی کے خصوصی اہتمام کیاگیا ہے۔عید میلاد النبی ﷺ کے موقع پر سرکاری ونیم سرکاری عمارتوں میں قمقموں،بینرزاورجھنڈیوں سے سجایاگیا تھا۔

(جاری ہے)

محافل کے زریعہ درودو سلام سے نیلم کے کوہ دامن کی فضاء معطر کیاگیا۔

گیارہ ربیع الاول کی شام کو بھی عاشقان رسول صلی اللہ علیہ وسلم نےدعاؤں ،لنگر،نوافل کا خصوصی اہتمام کیا۔12 ربیع الاول کی صبحِ کا آغاز درود السلام، نعت خوانی اور بیان سے کیا گیا۔ جشن عیدمیلادالنبیﷺریلی سے کارکنانِ لبّیک یونین کونسل دودھنیال ،جامع مسجد کے خطیب مولانا وقار مدنی،بیلہ محمد خان مسجد کے امام رب نواز خان،مولانا ملک ممتاز،مولانا عرفان ڈار،قاری ابرار،قاری خامیم،علامہ فراخت خان،علامہ علی گوہر ہاشمی ،قاری عدیل شاہ،قاری مشکور اقبال،قاری غلام حسین چشتی ،سفیرالسلام چشتی ،قاری راشد رضوی ،فاروق بٹ سربراہ تحریک لبیک سمیت ہزاروں عاشقان رسول صلی اللہ علیہ وسلم اہل دودھنیال نے عید میلاد النبی صلی اللہ علیہ وسلم ریلی میں شرکت کی۔

عید میلادالنبی صلی اللہ علیہ وسلم ریلی میں سینکڑوں گاڑیوں/موٹر سائیکل شامل تھے۔ریلی سے مقررین نے خطاب کیا۔ریلی کا دوسٹ تک نکالی گئی جہاں پر اہل دوسٹ نے شاندار استقبال کیا اور عاشقان رسول کا اکرام بھی کیا۔جامع مسجد دودھنیال میں ایک عظیم الشان جلسہ منعقد ہوا جہاں عاشقان رسول صلی اللہ علیہ وآلہ وسلم نے درودشریف/نعت رسولِ کا ہدیہ پیش کیا۔قبل ازیں سیرت کمیٹی یونین۔ کونسل دودھنیال کے صدر سیدمبشر گیلانی ،نوجوان ملک امتیاز ، قاری غلام حسین ودیگر نے خطاب کیا۔پمپوش گیسٹ ہاؤس انتظامیہ نے ریلی کے شرکاء پر پھولوں کی پتیاں نچھاور کیں۔ریلی کو پولیس تھانہ لوات نے فل پروف سیکورٹی دی اور صحت عامہ بی ایچ یو دودھنیال کے سٹاف نے ایمبولینس سروس کی فراہمی یقینی بنائی ۔