طیفی بٹ کے بہنوئی جاوید بٹ کے قتل میں ملوث ایک اورملزم گرفتار

قصور سے گرفتار ملزم افضل نے مقتول جاوید بٹ کی گھر سے جائے وقوعہ تک ریکی کی تھی

بدھ 18 ستمبر 2024 16:27

طیفی بٹ کے بہنوئی جاوید بٹ کے قتل میں ملوث ایک اورملزم گرفتار

لاہور (اُردو پوائنٹ اخبارتازہ ترین - این این آئی۔ 18 ستمبر2024ء) امیر بالاج قتل کیس کے مرکزی ملزم طیفی بٹ کے بہنوئی جاوید بٹ کے قتل میں ملوث ایک اور ملزم کو گرفتار کرلیا گیا۔آرگنائزڈ کرائم یونٹ ماڈل ٹائون حکام کے مطابق گرفتار ملزم کی شناخت افضل کے نام سے ہوئی ہے۔افضل کو او سی یو ماڈل ٹائون یونٹ نے قصور کے قریب سے گرفتارکیا۔

(جاری ہے)

جاوید بٹ کی گھر سے جائے وقوعہ تک ریکی افضل نے کی۔

جاوید بٹ کے قتل کے بعد افضل جائے وقوعہ سے فرار ہوگیا تھا۔ پولیس جاوید بٹ کے قتل میں ملوث عارف نامی ملزم کو بھی تلاش کررہی ہے۔پولیس نے دو روز قبل طیفی بٹ کے بہنوئی جاوید بٹ کو قتل کرنے والے شوٹر سمیت 2ملزمان کو گرفتار کیا تھا۔ شوٹر اظہر کو خیبر پختونخوا سے گرفتار کیا گیا۔ا سی ملزم نے جاوید بٹ پر فائرنگ کی تھی۔