پشاور بی آر ٹی بسوں کے کرایوں میں ایک بار پھر اضافہ، کرایہ فیلٹ 55روپے ہو گیا

منگل 1 اکتوبر 2024 21:30

پشاور (اُردو پوائنٹ اخبارتازہ ترین - این این آئی۔ 01 اکتوبر2024ء) پشاور بی آر ٹی بسوں کے کرایوں میں ایک بار پھر اضافہ کر دیا گیا۔ترجمان کے مطابق موجودہ اضافہ ایکسپریس روٹ پر چلنے والی بسوں میں کیا گیا جس کا اب کرایہ فیلٹ 55روپے ہو گیا ہے۔

(جاری ہے)

ترجمان بی آر ٹی کے مطابق جو لوگ طویل سفر کریں گے انہیں فرق نہیں پڑے گا، لیکن جو شہری ایک یا دو سٹاپ کے بعد اترتے ہیں وہ زیادہ کرائے سے بچنے کیلئے ایکسپریس روٹ استعمال نہ کریں۔یاد رہے کہ چند ماہ پہلے فی اسٹاپ کرائے میں دس روپے اضافہ کیا گیا تھا۔