سرگودھا یونیورسٹی کا ایسوسی ایٹ ڈگری کے پہلے سالانہ امتحانات کے نتائج کا اعلان ، کامیابی کا تناسب33.39 فیصد رہا

منگل 8 اکتوبر 2024 16:45

سرگودھا (اُردو پوائنٹ اخبارتازہ ترین - اے پی پی۔ 08 اکتوبر2024ء) سرگودہا یونیورسٹی نے ایسوسی ایٹ ڈگری آرٹس، سائنس اور کامرس کے پہلے سالانہ امتحانات کے نتائج کا اعلان کر دیا۔امتحانات میں مجموعی طور پر 23ہزار 744امیدواروں نے حصہ لیا جن میں سے 7ہزار 929 طلبہ کامیاب قرار پائے جبکہ کامیابی کا تناسب33.39 فیصد رہا۔ ایسوسی ایٹ ڈگری آرٹس کے نتائج کے مطابق گورنمنٹ ایسوسی ایٹ کالج برائے خواتین جنڈانوالہ بھکر کی ثنا محمود نے800 میں سے 635 میں سے نمبرلے کر پہلی، گورنمنٹ ایسوسی ایٹ کالج برائے خواتین کلور کوٹ بھکر کی پلوشہ گل نے 632نمبرلے کر دوسری،گورنمنٹ ایسوسی ایٹ کالج برائے خواتین قائد آباد خوشاب کی آسیہ بی بی اور خوشاب سے ہی پرائیویٹ امیدوارثانیہ رباب نے 630نمبر لے کر تیسری پوزیشن حاصل کی، ایسوسی ایٹ ڈگری سائنس میں سپیریئر کالج گوجرہ منڈی بہاولدین کی سانویہ عباس نے 666نمبر لے کر پہلی،آکسفورڈ گرلز ڈگری کالج پنڈی گھیپ اٹک کی عرینہ کرن نے 638نمبر لےکر دوسری اور گورنمنٹ ایسوسی ایٹ کالج برائے خواتین بھکر کی منزہ طارق نے 637نمبر لےکر تیسری پوزیشن حاصل کی۔

(جاری ہے)

ایسوسی ایٹ ڈگری کامرس میں سپیریئر کالج سرگودہا کی اریبہ ندیم نے 1055نمبرلے کر پہلی، سپیریئر کالج سرگودہا ہی کی طالبہ زوہا جبیں نے 1032نمبر لے کر دوسری جبکہ گورنمنٹ ایسوسی ایٹ کالج میانوالی کے طالبعلم محمد نوید الحسن نے 1500 میں سے 1010نمبر لے کر تیسری پوزیشن حاصل کی۔