Live Updates

ملتان ٹیسٹ؛ پاکستانی بائولرز نے بدترین ریکارڈ اپنے نام کرلیا

پہلی بار ٹیسٹ کرکٹ کی کسی اننگز میں 6 پاکستانی بائولرز نے 100 یا اس سے زائد رنز کے انبار لگوا دیے

ذیشان مہتاب جمعہ 11 اکتوبر 2024 10:53

ملتان ٹیسٹ؛ پاکستانی بائولرز نے بدترین ریکارڈ اپنے نام کرلیا

ملتان (اردو پوائنٹ تازہ ترین اخبار ۔ 11 اکتوبر 2024ء ) انگلینڈ کے خلاف ملتان ٹیسٹ میچ کا چوتھا روز پاکستانی بالرز کیلئے ڈراؤنا خواب ثابت ہوا۔ ملتان کرکٹ اسٹیڈیم میں کھیلے جارہے سیریز کے پہلے ٹیسٹ میچ کے چوتھے روز پہلی بار 6 پاکستانی بالرز نے ٹیسٹ کرکٹ کی کسی اننگز میں 100 یا اس سے زائد رنز لٹائے۔

(جاری ہے)

قومی ٹیم کے فاسٹ بولرز میں شاہین شاہ آفریدی 26 اوورز میں 120، نسیم شاہ نے 37 اوورز میں 157، ابرار احمد نے 35 اوورز میں 174، عامر جمال نے 24 اوورز میں 126، آغا سلمان نے 18 اوورز میں 118 جبکہ صائم ایوب نے 14 اوورز میں 101 رنز دیے۔

ملکی ٹیسٹ کرکٹ کی تاریخ میں پہلی بار ہوا ہے کہ پاکستانی بالرز ایک ہی اننگز میں اتنے رنز لٹائے ہوں۔ مجموعی طور پر ٹیسٹ کرکٹ کی تاریخ میں یہ دوسرا موقع تھا جب کسی ٹیم کے 6 باولرز نے 100 یا اس سے زیادہ رنز لٹائے۔ اس سے قبل زمبابوے کے 6 بائولرز نے 2004ء کے بلاوایو ٹیسٹ میں سری لنکا کیخلاف 100 سے زیادہ رنز دیئے تھے۔