بھارتی اداکار خاتون سے سونے کی چین چھین کر فرار ہوتے رنگوں ہاتھوں پکڑا گیا

پولیس نے اداکار کو پکڑنے پر دونوں افراد کو تعریفی اسناد سے نوازا ہے،میڈیارپورٹ

ہفتہ 12 اکتوبر 2024 13:16

ممبئی(اُردو پوائنٹ اخبارتازہ ترین - این این آئی۔ 12 اکتوبر2024ء) بھارت کی مقامی فلم انڈسٹری (ٹالی وڈ)کے اداکار نتھن کو خاتون سے سونے کی چین چراتے ہوئے رنگوں ہاتھوں پکڑلیا گیا۔بھارتی میڈیا رپورٹس کے مطابق خاتون سے سونے کی چین چرانے کا واقعہ بھارتی شہر حیدرآباد میں پیش آیا۔

(جاری ہے)

میڈیا رپورٹس میں کہا گیا کہ اداکار نتھن اپنی بائیک پر سوار بس اسٹاپ پر پہنچے جہاں اکیلے بس کا انتظار کرتی لڑکی کے گلے سے سونے کی چین زبردستی چھین لی اور فرار ہونے لگے۔

خاتون کے شور مچانے پر قریب ہی موجود دو افراد نے اداکار کو دھرلیا اور پھر پولیس کے حوالے کردیا گیا۔پولیس نے مقدمہ درج کرکے اداکار کو جوڈیشل ریمانڈ پر جیل بھیج دیا۔ بھارتی میڈیا رپورٹس کے مطابق اداکار نتھن نے فلم بے بی میں اداکاری کے جوہر دکھائے ہیں تاہم چوری کرنے کی وجہ سامنے نہیں آسکی ہے۔پولیس نے اداکار کو پکڑنے پر دونوں افراد کو تعریفی اسناد سے نوازا ہے۔