مبینہ زیادتی کا پروپیگنڈا کرنے کے الزام متعدد صحافیوں ،یوٹیوبرز سمیت 38 افراد کیخلاف مقدمہ درج

ایف آئی اے سائبر کرائم ونگ کی جانب سے درج مقدمے میں ایاز امیر، عمران ریاض، سمیع ابراہیم، فرح اقرارسمیت دیگر نامزد

جمعرات 17 اکتوبر 2024 21:05

ْلاہور(اُردو پوائنٹ اخبارتازہ ترین - این این آئی۔ 17 اکتوبر2024ء) وفاقی تحقیقاتی ایجنسی نے سوشل میڈیا پر نجی کالج کی طالبہ سے مبینہ زیادتی کا پروپیگنڈا کرنے کے الزام متعدد صحافیوں اور یوٹیوبرز سمیت 38 افراد کے خلاف مقدمہ درج کرلیا۔

(جاری ہے)

ایف آئی اے سائبر کرائم ونگ کی جانب سے درج کردہ مقدمے میں سینئر صحافی و تجزیہ کار ایاز امیر، عمران ریاض، سمیع ابراہیم، فرح اقرار، صحافی شاکر محمود اعوان اور دیگر کو بھی نامزد کیا گیا ہے۔

ایف آئی اے کی جانب سے درج کیے گئے مقدمے میں راجہ احسن نوید، فیصل پاشا، نعیم بخاری، عمر دراز گوندل، رابعہ ملک، ثاقب جمیل، فرقان، ایڈووکیٹ میاں عمر اور حسیب احمد کوبھی مقدمے میں نامزد کیا گیاہے۔ایف آئی اے سائبر کرائم سرکل نے درج مقدمے پر مزید کارروائی بھی شروع کردی ہے، صحافی شاکر محمود اعوان نے مقدمے کے اندراج پر ایف آئی اے کے خلاف عدالت سے رجوع کرنے کا اعلان کردیا۔