ٹرمپ نے قبل از وقت جیت کا دعوی کیا توچیلنج کردونگی،کاملاہیرس

ایسی کسی بھی صورتحال کیلئے ڈیموکریٹک پارٹی پہلے سے تیار ہے، گفتگو

بدھ 23 اکتوبر 2024 17:23

ٹرمپ نے قبل از وقت جیت کا دعوی کیا توچیلنج کردونگی،کاملاہیرس

واشنگٹن (اُردو پوائنٹ اخبارتازہ ترین - این این آئی۔ 23 اکتوبر2024ء) امریکا کے صدارتی انتخابات میں دو ہفتے سے بھی کم وقت رہ گیا ہے، کاملا ہیرس کو خدشہ ہے کہ سابق امریکی صدر ڈونلڈ ٹرمپ نتائج سے قبل جیت کا دعوی کرسکتے ہیں۔

(جاری ہے)

امریکی ٹی وی کو انٹرویو دیتے ہوئے کاملا ہیرس نے کہا ہے کہ اگر ٹرمپ نے قبل از وقت جیت کا دعوی کیا تو اسے فوری چیلنج کردیں گے۔انہوں نے کہا کہ ایسی کسی بھی صورتحال کیلئے ڈیموکریٹک پارٹی پہلے سے تیار ہے، ہماری ساری توجہ ٹرمپ کو ہرانے پر ہے، ٹرمپ اپنے حامیوں کو پہلے بھی حملے کیلئے اکسا چکے ہیں، یہ سنجیدہ معاملہ ہے، کپیٹل ہل حملے میں کئی افراد کی جان جا چکی ہے۔